Myner van my hart deur Mariëtte Wenhold

Katarien Roos, ’n rotsingenieur, keer terug na Suid-Afrika nadat haar ouma ’n beroerte kry. Na ’n verwoestende ervaring is haar werk die enigste plek waar sy suksesvol voel.

Op pad Rustenburg toe kry haar motor ’n pap wiel. Armandt du Toit, beesboer en uitvoerende beampte van Mabewhu Platinummyn, help haar. Hy sien haar vrees en probeer deur haar emosionele skanse breek om haar hart te bereik.

Sal sy hom kan vertrou en haar ware self aan hom wys?

Klik hier om die eerste hoofstuk te lees.

Meer oor die skrywer

Mariëtte Wenhold woon op ’n plaas buite Swartruggens saam met die liefde van haar lewe. Sy skilder graag met olieverf en hou haarself ook met pottebakkery en kwiltwerk besig. Sy het ’n passie vir die dinge in die lewe wat kosbaar is en herinneringe skep: familie, goeie vriende, reis, kos, wyn en baie lag. In 2021 behaal haar debuut roman, Bosnimf, die tweede plek in ROSA se Sterlitzia toekennings.

Klik hier vir nog boeke uit Mariëtte se pen.