Lemoenkoek

Suid-Afrika is ‘n smeltkroes van kulture en nêrens is dit meer duidelik as in die interessante verskeidenheid tradisionele kosgunstelinge nie. Met Clover Tradisionele Suid-Afrikaanse Gunstelinge deel ons iets van alles – soos Bunny Chow, romerige marog, Smoorsnoek, Soetsuur lewer, Vetkoek, Isidudu, Mashonza, Wildspastei en Botterhoender.

12 PORSIES
500 ml (2 k) koekmeel
10 ml (2 t) bakpoeier
knippie sout
75 ml (5 e) CLOVER Farmstyle-botter
125 ml (½ k) CLOVER-volroommelk
4 eiers, geskei
250 ml (1 k) strooisuiker
125 ml (½ k) CLOVER Krush-lemoensap
Versiersel
75 ml (5 e) CLOVER Farmstyle-botter
250 ml (1 k) versiersuiker
30 ml (2 e) CLOVER Krush-lemoensap

  • Voorverhit die oond tot 180 °C. Smeer ’n ringkoekpan met ’n deursnee van 26 cm goed met botter. Strooi ’n bietjie koekmeel in die pan en skud die oortol­lige meel uit.
  • Sif die meel, bakpoeier en sout saam.
  • Verhit die botter en melk saam oor lae hitte tot warm maar nie kokend nie.
  • Klits die eierwitte styf en klits die strooisuiker geleidelik by.
  • Gooi die eiergele by en klits tot die mengsel lig en donserig is.
  • Roer die meelmengsel en melkmengsel beurtelings by die eier­mengsel.
  • Voeg die lemoensap by en roer tot glad.
  • Skep die beslag in die voorbereide pan en bak dit 30 minute lank of tot ’n toetspen skoon uitkom.
  • Laat die koek vir 15 minute in die pan afkoel en keer dit dan op ’n afkoelrakkie uit om heeltemal af te koel. Plaas dit op ’n geskikte koekstaander.
  • Klits die botter tot liggeel. Klits die versiersuiker geleidelik by. Voeg die lemoensap by wanneer die versiersuiker styf word. Hou aan klits tot die versiersuiker sag en romerig is.
  • Versier die koek na smaak.

Bron: CLOVER Gunsteling Suid-Afrikaanse Kos – LAPA Uitgewers

Leave a Reply

Your email address will not be published. Required fields are marked *

SOSIALE MEDIA

VOLG ONS