Jaco_Jacobs_Scheepersprys_Wenner

Jaco Jacobs doen dit weer!

Glo my, as jy op die ingewing van die oomblik ’n skaap by ’n kerkbasaar steel, sal jou lewe nooit weer dieselfde wees nie ...

 

Luan se vakansieplanne is in hulle peetjie.

In plaas daarvan dat hy by die huis gaan rondsit, PlayStation speel en saam met sy pelle kuier, moet hy Karoo toe gaan. Op ’n road trip. Saam met sy eksentrieke fotograaf-ouma wat ’n fotoboek oor windpompe wil publiseer.

Dit is sy straf omdat hy en sy vriende een aand iets aangevang het wat hulle in groot moeilikheid laat beland het.

Op pad deur die Karoo ontmoet hy vir Lana, wie se pa al die pad van Bloemfontein na Kaapstad met sy fiets ry om geld vir kankernavorsing in te samel. Lana wat nie vleis eet nie, mal is oor boeke en hom (sonder dat sy dit weet) oortuig om ’n skaap te steel.

Luan leer ken vir die eerste keer werklik sy ouma – die hardekwas-predikantsvrou wat al die jare ’n geheim saam met haar ronddra.

En die belangrikste van als: Hy leer homself ken.

Kort voor lank verander ’n vervelige rit deur die Karoo in ’n onvergeetlike reis ...

 

Hierdie humoristiese, hartroerende tienerboek uit die pen van Jaco Jacobs sal jou anders laat kyk na die dinge wat die lewe die moeite werd maak.

 

Die Suid-Afrikaanse Akademie vir Wetenskap en Kuns het pas bekendgemaak dat Jaco Jacobs vanjaar se Scheepersprys vir Jeugliteratuur wen vir sy jeugroman Dinge wat ek nie van skape geweet het nie.

Die Akademie het in April reeds bekendgemaak dat Jaco Jacobs (skrywer) en Zinelda McDonald (illustreerder) ook vanjaar bekroon gaan word met die Alba Bouwerprys vir kinderliteratuur vir die rympiesboek Moenie hierdie boek eet nie.

Die Scheepersprys vir Jeugliteratuur is ’n letterkundige toekenning deur die Suid-Afrikaanse Akademie vir Wetenskap en Kuns. Dit is ingestel in 1956 en word sedert 1974 elke drie jaar toegeken. Vorige wenners sluit in: P.J. Schoeman, Mikro, W.A. de Klerk, Alba Bouwer, M.E.R., I.D. du Plessis, P.H. Nortjé, Anna M. Louw, Karl Kielblock, Rykie van Reenen, Freda Linde, Jan Rabie, Rona Rupert, Freda Linde, Dolf van Niekerk, Chris Barnard, Eleanor Baker, George Weideman, Leon de Villiers, Jan Vermeulen, Derick van der Walt en Marita van der Vyver.

Jaco Jacobs bly in Bloemfontein. Die webruimte Afrikaans.com noem hom “Die rock-ster van Afrikaanse kinderliteratuur”.

Glo my, as jy op die ingewing van die oomblik ’n skaap by ’n kerkbasaar steel, sal jou lewe nooit weer dieselfde wees nie ...

Luan se vakansieplanne is in hulle peetjie.
In plaas daarvan dat hy by die huis gaan rondsit, PlayStation speel en saam met sy pelle kuier, moet hy Karoo toe gaan. Op ’n road trip. Saam met sy eksentrieke fotograaf-ouma wat ’n fotoboek oor windpompe wil publiseer. 
Dit is sy straf omdat hy en sy vriende een aand iets aangevang het wat hulle in groot moeilikheid laat beland het.
Op pad deur die Karoo ontmoet hy vir Lana, wie se pa al die pad van Bloemfontein na Kaapstad met sy fiets ry om geld vir kankernavorsing in te samel. Lana wat nie vleis eet nie, mal is oor boeke en hom (sonder dat sy dit weet) oortuig om ’n skaap te steel.
Luan leer ken vir die eerste keer werklik sy ouma – die hardekwas-predikantsvrou wat al die jare ’n geheim saam met haar ronddra.
En die belangrikste van als: Hy leer homself ken.
Kort voor lank verander ’n vervelige rit deur die Karoo in ’n onvergeetlike reis ...

Hierdie humoristiese, hartroerende tienerboek uit die pen van Jaco Jacobs sal jou anders laat kyk na die dinge wat die lewe die moeite werd maak. 

Meer oor Dinge wat ek nie van skape geweet het nie

Luan, die hoofkarakter, beland in die moeilikheid en as straf stuur sy ouers hom om saam met sy eksentrieke fotograaf-ouma te gaan reis vir die vakansie. Sy ouma wil ’n fotoboek oor windpompe publiseer.

Op pad deur die Karoo ontmoet hy vir Lana, wie se pa al die pad van Bloemfontein na Kaapstad met sy fiets ry om geld vir kankernavorsing in te samel. Lana eet nie vleis nie en sy mal is oor boeke. Lana is ook mal oor Luan en, sonder dat sy dit weet, oortuig Lana vir Luan om ’n skaap te bevry van die kerkbasaar se veiling. Dis net, wel, hy betaal nie vir die skaap nie.

DeproSkaap_Dinge_Wat_Ek_Nie_Van_Skape_Geweet_Het_Nie
Delores die DeproSkaap

Dinge ruk hand uit: Delores, die DeproSkaap, raak bekend op Facebook en Instagram, die polisie kry snuf in die neus en… die leser moet maar self uitvind wat als op die Karoo se stil agterpaaie kan gebeur.

Lesers wat vir Jaco en Delores die DeproSkaap wil gelukwens, kan dit op Facebook en Instagram doen.

Facebook: DeproSkaap
Instagram: @deproskaap

DeproSkaap_Jaco_Jacobs
Jaco Jacobs en Delores die DeproSkaap saam met die boek wat die Scheepersprys vir Jeugliteratuur gewen het.

Dinge wat ek nie van skape geweet het nie kos R170,00 en is by toonaangewende handelaars asook direk by LAPA Uitgewers beskikbaar.

Leave a Reply

Your email address will not be published. Required fields are marked *

SOSIALE MEDIA

VOLG ONS